Ploki

Ploki

Mikäs ihme tuota Meänkieltä ohjaa?

Ylheistä/allmänna frågorPosted by Stig Aspholme Fri, October 08, 2010 17:04:45

Jokku on tehnet työtä yli kolmekymmentä vuotta Meänkielen hyväksi, ja net on niinko saahnet aurata samma kurua koko aijan. Nyt on kieliryhmiä vähäsen missäki, ja aivan kerrala niin se on niinko ovi aukeais kahalesa, sieltä lappa vaikka kuinka monta ja kuinka kummalista edustajaa Meänkielen eduksi! Mikäs rievattu tämä on. Aivan ummikot sanovat olevansa Meänkielen ystäviä ja haluavat saha oppia Meänkieltä. Onkos Meänkielen staatus noussu yhessä kerrassa siitä tilantestä missä se on viettänyt oloa 200 vuotta? Nyt kaikin halvavat oppia ja osata meän Meänkieltä. Saama kän met olla matkassa tässä revatilisoimisessä? Eli panhan kos meät tunkiole, jatkuvasti?

T.Stig/Stiiki

Onkos Meänkieli ko syöpä?

Ylheistä/allmänna frågorPosted by Stig Aspholme Wed, September 08, 2010 14:29:25

Voi ko se olla niin että Meänkielen eduistajat on net mikkä on suurimat vaikeukset kielen kehityksheen? Eli onkos net itte kielen käyttäjät? Jos sitä kirjottaa mitä vain Meänkielestä, niin sieltä tulle hopumpaa ko hoppua vastaus, joka painaa kirjottajan solan alle. Ole vasthaan eli myötä Meänkielen haastattelussa, niin sie kuitenki olet väärässä. Roomeile vaithaan "totuskomitiuunia" eipä sillä, kyllä varmasti on tarvetta. Mutta missä hääty käyvä "sanningskomission" niin Meänkielen aluela. Täälä on niin mahtavan suuri tarve siitä. Näyttää siltä että emmä met itte omila voimila voi tehjä ylös meän histoorialisen ikäväittien velattomien asioitten eestä.

T.Stig/Stiiki

Vuosi kokkous ja Flakupäivä

Ylheistä/allmänna frågorPosted by Stig Aspholme Wed, July 28, 2010 15:12:48

Matarinkissä nostethiin Flaku tankoon 15/7 kl 10:00 ruottin aikaa. Tunthet olit mahtavat, jollaki laila se niinko paljapelin kappale kappahlen perästä pikkuhiljan alkaa valmistuhmaan Meänmaa kokohnaisuus. Nyt jatkuu kielikylpy Bengt Pohjasen johossa Seittenkaarela toinen päivä marjakuuta.

T.Stig/Stiiki

Kieli joka on ollut kieletty 200 vuoen aikana

Ylheistä/allmänna frågorPosted by Stig Aspholme Wed, June 09, 2010 17:25:34

Tänän ollan 470 000 jokka puhuma Suomea siis Meänkieltä. Vähhintään 6 sukupolvea on kieletty käyttä omma äitinkieltä Ruottin valtakunnassa. Se tekke noin rapean miljoonan ihmistä jokka ei ole saahnet opestusta, koulunkäyntiä eli siis käyttää kieltä julkisesti. Onkohän misshän muuala Mailmassa vastavaa väkivaaltaa ihmiskansaa vasthaan käytetty? Etelä afrikassa net sait kuitenki puhua omma kieltä.

T.Stig/Stiiki

Näskää ja Täskää

Ylheistä/allmänna frågorPosted by Stig Aspholme Sat, May 22, 2010 19:27:37
Syntyää kielialuessa jossa ei löyvää paikkasa. Pajalan kunnassa assuu yks ihminen joka ei sielulisesti elä turvassa, se näskää ja täskää ja uskoo olevansa Meänkieli kultuurialuen tuomari. Jatkuvasti ja samala ahneuela tämä ihminen kirjotta pohjattomia syytöksiä meänmaan kaikitten aijoitten issoimasta kirjailiasta. Ko ei lehet ennä läänissä ota sisäle hänen kirjoituksia, niin se hakke ittesä ulkomaile ja sapi net siela tarkastamatta julkaistettu. Oma kehnous ei piisaa kirjoitukshiin ja sillä laila se ei saa huomiota. Tämä poika ei tule koskhaan kasuahmaan täyeksi mieheksi, vielä vähemän Meänmaa laiseksi. Se on jalkalapsi meänmaassa.

T. Stig/Stiiki

Suuri kunnia

Ylheistä/allmänna frågorPosted by Stig Aspholme Wed, May 05, 2010 07:45:15
Meänmaan suuri kirjailia ja taitelia on saanut Eyvind Jonsso, onnin palkinon. Tämä on suurenmoista, ja antaa muile,ki intoa että tehhä työtä Meänkielen nimessä. Suuret onnitelu Bengt Pohjasele.

T. Stig/Stiiki

Kirunan kunta ei tukea Meänmaan flaku päivää.

Ylheistä/allmänna frågorPosted by Stig Aspholme Wed, April 28, 2010 19:34:04
Saameile annethaan vaphaus heilutta heitten flakua tankossa Kirunan Kunnassa, muuta ei Meänmaan porukale. Meänkielisiä on enemän kiirunassa ko mitä saamelaisia on, tälä laila kiirunan kunta otta puoluetta meitä vasthaan ja Saamelaisia puolustethan. Vähemistölaki on aivan selvä tässä asiassa, että ei saa tehhä eroa vähemistöryhmitten välile. Kirunan kunna johtaja ei vastaa kysymyksheen miksis kunta ei anna meitten heilutta meän flakua tankoon kirunassa.

T. Stig/Stiiki

Meänkielen käyttö kasvaa mahtavasti!

Ylheistä/allmänna frågorPosted by Stig Aspholme Wed, April 14, 2010 21:38:48
Ko sie menet sisäle; http://sv-se.facebook.com/ ja sielä kirjotat ittesä jäseneksi, niin sitte löyät ryhmän(grupper) ja sieltä löyty Meänkilei ryhmä. Sielä on nyt 14 päivä huhtikuuta(hankikuu) 1821 jäsentä, ja se kasua koko aijan.

T. Stig/Stiiki

« PreviousNext »