Ploki

Ploki

Onkos Meänkielen vastustus poliitiinen?

Ylheistä/allmänna frågorPosted by Stig Aspholme Tue, April 13, 2010 08:23:59
Semmosia merkkiä esintyy silloin ja tällöin että se olis poolitinen agenda että kaikela laila alentaa Meänkielen asemaa. Monessa päätös tiilanteesa on ummikoita jokka päätävät meänkielen pältä.Tämmönen tilane on liian vakava että se vois olla aivan sattuma joka olis johtanut tähhän tilantesen. Vähemisto laki on aivan selvä siinä että ei saa tehhä väliä kielitten staatuksessa ja käytössä. Ilman muuta tässä tehhan tietoinen laki rikko.

T. Stig/Stiiki

Kannatakkaa Meänmaan aviisia

Ylheistä/allmänna frågorPosted by Stig Aspholme Tue, March 30, 2010 17:08:38
Ostaka annonsipaikka Meänmaa aviishiin.
Ottaka yhteyttä:
Tillaukset: aviisi@meanmaa.net

Pränttääjä: pranttaaja@meanmaa.net

Hintoja saatta : bengt.pohjanen@sirillus.se



T. Stig/Stiiki





Meänkielen tappoa

Ylheistä/allmänna frågorPosted by Stig Aspholme Fri, March 26, 2010 08:38:49
Meänkielen revitalisointi jatkuu. Valtion sekkaintuminen ei voi toppata Meänkielen käyttöä, niinko met olema sen oppihnet käyttähmän. Valtio antaa rahha ja vaatii samala että kieli häätyy mennä visshiin suunthaan. Emmä met ole valhmit alkahmaan oppihmaan uuta Meänkieltä, met käytämä sitä mitä aina on käytetty, ja mikä on meän kieli. Rahat on tervetulhet jos met saama niitä käyttä siihen että säilyttää sitä kieltä mikä aina on ollut käytössä. Emmä met hyväksy että meänkieltä muutethaan eri mallile, se pittää olla niinko se on aina ollut. Ei rahala ole niin suurta arvoa että met voisima senvuoksi myyä meän kielen valtiole. Tämmöset ajatukset olisivat meänkielen kuolemaa.

T. Stig Aspholme

Meänkieli herättää tuntheita!

Ylheistä/allmänna frågorPosted by Stig Aspholme Sun, January 10, 2010 21:20:55

Meänkielen ploki Bengt Pohjasen nimessä Kuriren lehessä on suljettu. Meänkieli herättää tuntheita. Se on mailman ainua ploki Meänkielelä, ja se suljethiin sen vuoksi ko Meänkieli herättää kovia tuntheita, joita ei Kuriren lehen jälkiin saa tuntea, kirjotta ja porista niistä. On kyllä joku hyökänyt toista ihmistä kohtiin, mutta ei se voi olla kylliks syytä että sulkea plokin. Lissä sanakirjoja on tulossa, BJK tekke yhtä Kveenin murthela Lannanmaasa. Olen kuulut muista ki. Birger Winsala on vaikka kuinka monta valmista kirjaa.Meänkieli on nousemassa ylös käyttökieleksi ja monet ottavat sen vasthaan mielelä.Että tässä tilantessa sulkea ainuan plokin ei voi olla oiken. Jos tet tykkätä samma ko mie niin kirjottaka Kuriren lehele ja vaatikaa että ploki auasthaan.

T. Stig Aspholme

Terhveisiä

Ylheistä/allmänna frågorPosted by Stig Aspholme Thu, December 31, 2009 14:25:26

Toivon kaikile lukioile Onnelista uuta vuotta!

T. Stig Aspholme

« Previous