Ploki

Ploki

Flakupäivä 15/7

Ylheistä/allmänna frågorPosted by Stig Aspholme Mon, June 13, 2016 14:04:05
Sitten vuosi 2007, niin Meänmaan Flaku oon heilutettu 15/7 Mataringissä, Kansan Yliopiston kartanola. Sitten 2014 met saima myötä STR-t,n ja viime vuoesta lähtien, niin Meänmaan flakupäivä oon Ruottin Akateemian Vuosikalenterissa, merkkipäivänä. Tämä oon meile suuresta merkityksestä, ko se yhistää kaikki Meänkieliset, saman flakun alle.Kaikila toisila vähemistöilä oon myös oma flaku, mutta se oon vain Meänmaan flaku joka oon Ruottin Akateemian merkkipäivänä. Tästä voima olla ylpeitä. Nyt tulle yheksäs(9) vuosi ko met kokkoinuma, ja tämä oon jo tratio!

Meänkielen ongelmat!

Ylheistä/allmänna frågorPosted by Stig Aspholme Thu, September 06, 2012 12:08:41

Meänkieli tarttis oman kätilön, joka auttas kieltä puhistuksheen. Kieltä piethään aivan ko jalkalasta, ilman omma arvoa ja aina tielä Ruottin kielen edustajalle. Kielele ei anneta arvoa vaikka kieli oon tuhansia vuosia ollut käytössä. Kielen edustajille näytethään pitkää nokkaa ja edustajat poljethaan alas, työn teon arvoa hyläthään. Tornionlaakson teatteri pellaa vain Ruottinkielisiä ohjelmia. Meän ratio ei nosta kahta sormea kielen hyväksi, vaikka suhte oon että edusta kieltä ja sen käyttöä.KUR-kultuuriraati jakka Meänkieli rahat semmosile jokka kirjottavat eki meinavat kirjottaa Ruottiksi. moni henkilö/ryhmä joka ei vielä ole alottanut hommani oon jo saanut rahat.Kangoksheen kielipesä saapi suuria rahasummia. Sen ryhmän edustajat ei ossa Meänkieltä, tältä se näyttää joka kantila. Kunnat ei kykene arvostelehmaan mihinkä rahat oikesthaan kuuluisit, ja silloin net menevät kunnan ommhiin velka makshoin.

Valtion rahan jako Meänkielin säilytyksheen tulle jatkossa tappahmaan Meänkielen ja sen edustajat, ko ei rahat mene sinne missä net voisivat tehjä hyvää työtä. Ruottin valtio tappa Meänkielen tahalansa. Vähemistöryhmitten oikeuet EU ja UN mukhaan ei toimi Ruotissa!

T. Stig/Stiiki

Sanakirja myöhästyy kuukauen.

Ylheistä/allmänna frågorPosted by Stig Aspholme Mon, November 07, 2011 16:39:15
Saihrauksia ryhmässä on hiitastanut kirjan valmistamista, mutta en niin paljola. Kuukauen myöhemmin ko mitä oli toive. Tilatut kirjat tulevat ajassa jouluksi. Tämä on uranuurtaja-pioneeri työtä, ja nostaa meänkielen aivan eri tasole.Ko kirjasarja on valmis, niin kieli on täysi. Ollkaa ylpeitä siittä.

T. Stig/Stiiki

Sanakirjan myynti

Ylheistä/allmänna frågorPosted by Stig Aspholme Sun, September 18, 2011 16:02:34

Isosanakirja Meänkielelä Ensimäinen osa. A-K: Meänkieli/Ruotti/Suomi. Julkaiseminen 15/11 2011.

Storordbok i Tornedalsfinska Del 1 A-K: Meänkieli/Svenska/Finska. Utgivningsdag 15/11 2011

 

Nyt on maholisuus etukätheen tilata sanakirjan

Ny har ni möjlighet att förhandsbeställa ordboken

Hinta: 300:- skr

Pris: 300:- skr

Tillaa 5kpl. niin saat 10% alenuksen; 10 kpl. 20% alenus; Ota myynthiin niin saat 40% alenuksela.

Beställ 5 st och få 10% rabatt; 10 st och få 20% rabatt; Ta till försäljning och rabatten blir 40%

 

Aträssi:

Barents Publisher

Box 32

956 21 Överkalix

info@sirillus.se

Meänmaa kieliraati/ Stig Aspholme, Luleå

Meänkieli kehiittyy, kasva ja nousee arvossa

Ylheistä/allmänna frågorPosted by Stig Aspholme Mon, August 29, 2011 13:12:56

Flakupäivä oli oiken mielyttävä, ko oli suuri ryhmä kokkointunut. Flaku nostethin tankon ja Enikõ Rymääniästä piti pääpuhhen. Enikõ joka on itte vähemistölainen, tietää kuinka tärkeä se on että kaikki ryhmät saavat pittää jäljelä kielensä ja kultuurin. Vuosikokkous piethiin samana päivänä, ja se juoksi oiken hyvin. Pänktti piti näyttelyn Luppionvaarala FGaravidin aikakauestä, seki on tärkeä meän itentittetile. Pikkuhiljan niin met pääsemä etheen päin. Monet alkavat ollhen ylpeitä meän komeasta kielestä.

T.Stig/Stiiki

Tornionlaakson-Meänmaan flaku päivä, Tornedalsflaggans dag

Ylheistä/allmänna frågorPosted by Stig Aspholme Mon, June 20, 2011 14:51:06
Tornionlaakson-Meänmaan flaku päivä, Tornedalsflaggans dag. Den 15/7 hissar vi årligen vår flagga, styrelsen samlas på Matarengi folkhögskola och har en ceremoni vid flagghissningen. Alla är välkomna att deltaga vid denna högtid, en högtid som oss förringats i 200 år.Meänmaa sammansluter Haparanda-Övertorneå-Pajala-Gällivare och Kiruna kommuner på den Svenska sidan av gränsen. På den Finska sidan finns Torneå-Ylitornio-Pello-Muonio-Kolari och Enontekiö kommuner, sammanlagt 11 kommuner i två länder samlas under gemensamt namn "Meänmaa" och binder åter släkt och vänskapsband med tidigare vänner och grannar.Språket" Meänkieli" och kulturen som hör till området är de som förenar oss i så starka mentala band, vi är ett språk, en kultur, ett folk. Med stolthet så firar vi gemensamt vår flaggdag den 15/7, där flaggan vajar på ömse sidor av en gräns som ej borde finnas.Deltag i vår kulturella och språkliga frigörelse.


T.Stig/Stiiki

Joulu lähentelle

Ylheistä/allmänna frågorPosted by Stig Aspholme Mon, December 13, 2010 15:14:10

Meänkieli kehitty kovasti, työtä tehtään monela kentälä. Into nousee ja tuelvaisuus näyttä hyvältä. Toki on ongelma siinä että kielen edustajat kultuuri puolela ei uskala avasta sitä kreeatiivistä ovea ulospäin. Meänkieli on niin mahtavan hyvä kieli justaas esityksitten käytössä, niinko muusikki, teaatteri, elokuva ja kirjoituksia. Voi ko mie toivon että joku joka on hyvä kirjottahmaan ja tekehmään lauluja tekis semmosen hittin meänkielelä että vielä Ruottalaiset,ki alkasit sitä laulahmaan. Mie tieän että meilä on taitoa, mutta onkos ummatuntoa ja uskalusta? Haitarin/Hanurin soitto on meitten peli. Yks hyvä teema mistä vois tehhä lauluja on "Meänmaan siirtolaisten kaipu kotia".

T.Stig/Stiiki

Meänmaan ihmisiä on joka paikassa.

Ylheistä/allmänna frågorPosted by Stig Aspholme Wed, October 27, 2010 17:42:04

Luulajassa assu nyt 17000 Tornionlaaksolais ihmistä. Sen lisäksi niin on monta Meänmaan ihmistä jokka tulevat Suomen puolelta. Siis 23% Luulajan asukaista on Tornionlaaksolaisiä, voipi uskoa että Suomesta tulevitten kans niin Meänmaasta on noin 30% Luulajassa.Tästä voima olla ylpeitä, ko joka kolmas Luulajalainen on Meänmaasta lähtösin.On tässä vähäsen Luulajan kunnale miettimistä.Mitenkäs meitä kohtelethaan Luulajassa?

T. Stig/Stiiki

Next »